ہمارے بورڈ آف ڈائریکٹرز

ہمارا بورڈ آف ڈائریکٹرز اعلیٰ ترین انتظامی باڈی ہے اور یہ تمام اسٹیک ہولڈرز کے مفادات کی نمائندگی کرتی ہے۔

Our Board of Directors

ہمارا بورڈ آٹھ ڈائریکٹرز پر مشتمل ہے جس میں چئیرمین، وائس چئیرمین اور چیف ایگزیکیٹیو شامل ہیں۔

Muhammad Sohail Tabba

محمد سہیل ٹبّا

چئیرمین

محمد سہیل ٹباپاکستان کے صف اوّل کے بزنس مین ہیں جو مینوفیکچرنگ، توانائی، رئیل اسٹیٹ اور سیمنٹ کے شعبوں کی تجربہ رکھتے
ہیں۔آپ کا یہ تجربہ د ودہائیوں سے زیادہ عرصے کے شاندار کیرئیرپر محیط ہے۔

ان کی پاکستان کے سب سے بڑے برآمدی ادارے یونس برادرز گروپ (YBG) میں شمولیت سے گروپ کے ٹیکسٹائل کےادارے عالمی سطح پر کاروباری سرگرمیوں میں اہم کردار ادا کرنے لگے جیسے گدون ٹیکسٹائل ملز لمیٹڈاور لکی نِٹس (پرائیویٹ) لمیٹڈ جہاں آپ نے چیف ایگزیکٹیوکی خدمات انجام دیں اور یونس ٹیکسٹائل ملز لمیٹڈ اور لکی ٹیکسٹائل ملز لمیٹڈ کے بورڈ آف ڈائریکٹرز میں شامل رہے۔

محمد سہیل ٹبّا،لکی ون پرائیویٹ لمیٹڈ کے ساتھ ساتھ لکی انرجی پرائیویٹ لمیٹڈ اور یونس انرجی لمیٹڈ کے چیف ایگزیکٹیو بھی ہیں۔ آپ لکی پیراگون ریڈی مکس کنکریٹ کے چیئر مین اور پاکستان کی صف اوّل کے سیمنٹ تیارکرنے اور برآمد کرنے والے ادارے لکی سیمنٹ لمیٹڈ کے بورڈ آف ڈائریکٹرز میں بھی شامل ہیں۔

آپ کو28 دسمبر 2012کو آئی سی آئی پاکستان لمیٹڈ کے بورڈ کا نان ایگزیکٹیو ڈائریکٹر مقرر کیا گیا جب کہ 29 اپریل 2014 کوآپ آئی سی آئی پاکستان لمیٹڈ کے بورڈآف ڈائریکٹرزکے چئیرمین مقرر ہوئے۔

جناب سہیل ٹبّا کی فلاحی اور سماجی خدمات میں چائلڈ لائف فاؤنڈیشن اور اٹالین ڈیولپمنٹ کونسل کے بانی ممبر ہونے کا اعزاز حاصل ہے۔آپ ٹبّا ہارٹ انسٹی ٹیوٹ اور عزیز ٹبّا فاؤنڈیشن کے ڈائریکٹر کے طور پر بھی خدمات انجام دے رہے ہیں۔ ماضی میں آپ ہمدرد یونیورسٹی پاکستان کے بورڈ آف گورنر ز میں شامل رہے ہیں۔

Muhammad Ali Tabba

محمد علی ٹبّا

وائس چیئرمین

آپ 28 دسمبر2012 کوآئی سی آئی پاکستان لمیٹڈ میں وائس چئیر مین مقرر ہوئے۔محمد علی ٹبّا، اپنے والد کے بعد 2005 سے لکی سیمنٹ لمیٹڈ کے چیف اوراس وقت سے ہی گروپ کی مختلف کمپنیوں کے سربراہ کے طور پر کامیابی کے ساتھ ان کمپنیوں میں اصلاحات کیں اور ان کو وسعت دینے کاکام کیا۔آپ نے یونس ٹیکسٹائل ملز لمیٹڈ کے چیف ایگزیگٹیوکی حیثیت سے بھی خدمات انجام دیں ہیں جو کہ مقامی ٹیکسٹائل انڈسٹری کا ایک معروف نام ہے اور امریکہ،یورپ،کینیڈا اور فرانس میں ان کے ذیلی ادارے قائم ہیں۔

جناب محمد علی ٹبّا ایک نامورلیڈر کے طور پر پہچانے جاتے ہیں اورٹریڈ ڈیولپمنٹ اتھارٹی آف پاکستان میں بحیثیت بورڈ ممبر خدمات انجام دے رہے ہیں جووفاقی وزارت تجارت کے تحت کام کرنے والا ملک کی اعلیٰ ترین تجارتی ادارہ ہے۔ آپ فیلو شپ فنڈ فار پاکستان (FFFP) کے ٹرسٹی بھی ہیں جو ہرسال واشنگٹن ڈی۔سی میں قائم ایک تھنک ٹینک” ووڈ رو ولسن انٹرنیشنل سینٹربرائےاسکالرز”کیلئے پاکستان صف اوّل کے اسکالرز کواسپانسرز کرتا اور بھجواتا ہے۔ ان اہم ذمہ داریوں کے علاوہ جناب ٹبّا پاکستان بزنس کونسل (PBC) کے بورڈ میں شامل ہیں جو نجی شعبہ کے معروف بز نسزپر مشتمل بزنس ایڈووکیسی فورم ہے۔آپ کو پاکستان – انڈیا جوائنٹ بزنس کونسل (PIJBC) کے بورڈ کے لئے نامزد کیا گیا ہے جو دونوں ملکو ں کے درمیان تجارت کے فروغ کے لئے بنائی گئی ہے۔ جناب ٹباآل پاکستان سیمنٹ مینوفیکچرنگ (APCMA) کے چیئر مین بھی ہیں جو پاکستان میں سیمنٹ تیار کرنے والوں کی ریگولیٹری باڈی ہے۔

محمد علی ٹبّا ایک فراخ دل اور ہمدرد انسان ہیں اور سماجی بہبودکے کئی منصوبوں میں تندہی کے ساتھ مصروف عمل رہتے ہیں۔آپ بہت سی معروف یونیورسٹیوں،اداروں اور فاؤنڈیشنز کے بورڈآف گورنر زمیں شامل ہیں۔آپ ایک غیر منافع بخش ادارے عزیز ٹبّافاؤنڈیشن (ATF) کے وائس چیئرمین ہیں جو کہ جامع طور پر تعلیم، صحت اور رہائش کے میدان میں کام کررہی ہے۔ یہ فاؤنڈیشن ایک اسٹیٹ آف دی آرٹ امراض قلب کا اسپتال،ٹبّا ہارٹ انسٹیٹیوٹ اور ایک کڈنی سینٹر، ٹبّا کڈنی انسٹیٹیوٹ چلارہی ہے۔عزیز ٹبّا فاؤنڈیشن کا مشن پاکستان بھر میں تمام لوگوں کیلئے فلاح اور بہبود کی خدمات فراہم کرناہے۔

ملک کے سماجی بہبود کے شعبہ سے ان کی گہری دلچسپی کو تسلیم کرتے ہوئے ورلڈ اکنامک فورم(WEF) نے 2010 میں جناب ٹبّا کو ان کی غیرمعمولی خدمات اور اعانت کے اعتراف میں ینگ گلوبل لیڈر(YGL) کا اعزاز عطا کیا۔

Amina Abdul Aziz Bawany

امینہ عبدالعزیز باوانی

نان ایگزیگٹوڈائریکٹر

آپ کو28 دسمبر 2012 کوآئی سی آئی پاکستان لمیٹڈ کے بورڈ آف ڈائریکٹر زمیں بطورنان ایگزیگٹوڈائریکٹر مقرر کیا گیا۔ امینہ عبدالعزیز باوانی Early Years Education میں پوسٹ گریجویٹ ہیں اور تعلیم کے شعبہ میں دس سال سے زائد عرصے کا تجربہ رکھتی ہیں۔آپ یونس برادرز گروپ (YBG) میں کلیدی عہدوں پر کام کرتی رہی ہیں اور مختلف النوع صلاحیتوں کی مالک ہیں اور آپ کوکسٹمرریلیشنزاور سیلز کا وسیع تجربہ ہے۔ آپ جزئیات پر توجہ دینے اور کمیونیکیشن کی اعلیٰ مہارت رکھنے کیلئے مشہور ہیں

آپ مختلف خیراتی اداروں کے بورڈز میں شامل ہیں جوپاکستان کے پسماندہ اور مستحق افراد کی طبی اور تعلیمی ضروریات کے لئے کامیابی کے ساتھ فنڈز جمع کرتے ہیں۔

Jawed Yunus Tabba

جاوید یونس ٹبّا

نان ایگزیگٹو ڈائریکٹر

آپ کا تقرر 29 اپریل2014 کو آئی سی آئی پاکستان لمیٹڈ کے بورڈآف ڈائریکٹر میں بطور نان ایگزیگٹو ڈائریکٹر ہوا۔جاوید یونس ٹبّا لکی ٹیکسٹائل ملز لمیٹڈ کے چیف ایگزیگٹو ہیں جس کا شمار پاکستان کے پانچ چوٹی کے ہوم ٹیکسٹائل ایکسپورٹرز میں ہوتا ہے۔

آپ کو ٹیکسٹائل انڈسٹری میں وسیع تجربہ حاصل ہے اور رئیل اسٹیٹ منصوبہ لکی ون کے انتظامی امورکی نگرانی کررہے ہیں جو تکمیل کے بعدکراچی میں سب سے بڑا مال ہوگا۔جاوید ٹبّایونس برادرز گروپ کے فلاحی ادارے عزیز ٹبّافاؤنڈیشن سے بھی منسلک ہیں ۔

Asif Jooma

آصف جمعہ

چیف ایگزیکٹو

آصف جمعہ نے اپنے کیرئیر کا آغاز 1983میں کارپوریٹ سیکٹر میں آئی سی آئی پاکستان کے ساتھ کیااور آپ سینئر کمرشل اورلیڈر شپ کے مرتبہ پر کام کا 30 سال سے زائد عرصے کا وسیع تجربہ رکھتے ہیں۔ابتدائی سالوں میں آئی سی آئی اور اس کے بعد پی ٹی اے پاکستان لمیٹڈ سے وابستہ رہے اور2007میں ایبٹ لیبارٹریز پاکستان لمیٹڈ کے منیجنگ ڈائریکٹر مقرر ہوئے۔ وہاں تقریباََ6 سال خدمات انجام دینے کے بعد آصف جمعہ فروری 2013 میں آئی سی آئی میں بحیثیت چیف ایگزیکٹوواپس آگئے

آپ بوسٹن یونیورسٹی سے ڈیولپمنٹل اکنامکس میں بیچلر آف آرٹس ہیں۔گزشتہ عرصے میںآصف جمعہ صدر، امریکن بزنس کونسل، صدر ، اوورسیز انویسٹر ز چیمبر آف کامرس اینڈ انڈسٹری ، بورڈ آف انویسٹمنٹ، حکومت پاکستان کے ممبراور فارما بیورو کے چئیرمین کی حیثیت سے خدمات انجام دے چکے ہیں۔آصف جمعہ بورڈ آف NIB بینک لمیٹڈ، سسٹمز لمیٹڈ اور نیوٹر یکوپاکستان (پرائیویٹ) لمیٹڈ میں بطور چیف ایگزیگٹو خدمات انجام دے رہے ہیں۔آپ لاہور یونیورسٹی آف مینجمنٹ سائنسز اور انڈس ویلی اسکو ل آف آرٹ اینڈآرکیٹیکچرکے بورڈ آف گورنرز میں شامل ہیں اور ڈیوک آف ایڈن برگزایوارڈ پروگرام کے ٹرسٹی بھی ہیں۔آصف جمعہ نے INSEADاینڈ ہارڈ ورڈ بزنس اسکول کے ایگزیگٹو ڈوپلپمنٹ پروگراموں میں بھی شرکت کی۔

Khawaja Iqbal Hassan

خواجہ اقبال حسن

انڈپنڈنٹ ڈائریکٹر

خواجہ اقبال حسن 18 جنوری 2013 کو آئی سی آئی پاکستان لمیٹڈکے بورڈ میں بطور انڈپنڈنٹ ڈائریکٹر مقرر ہوئے۔

جناب حسن نے1980 میں سان رانسسکوکی یونیورسٹی سے فنانس اور مارکیٹنگ میں میجر کے ساتھ گریجویشن کم laude کیا ۔آپ نے اپنے کیریئر کا آغاز سٹی بینک ،این اے سے کیاجس میں آپ سعودی عرب،ترکی اور پاکستان میں کلیدی عہدوں پر تعینات رہے۔سٹی بینک کو خیر بادکہنے کے بعد 1994 میں جناب حسن UBS کی ایک سابقہ جوائنٹ وینچرکمپنی ،گلوبل سیکوریٹیز پاکستان لمیٹڈ،کے شریک بانی رہے اور پھر آپ نے NIB بینک لمیٹڈ قائم کیا ، بعد میں تماسک ہولڈنگزآف سنگاپور نے اس کا زیادہ حصہ خریدلیا ۔آپ نے دونوں اداروں میں بطور چیف ایگزیگٹو آفیسر خدمات انجام دیں۔

اس وقت جناب حسن اسٹیٹ بینک آف پاکستان کے بورڈ آف ڈائریکٹرزاورکراچی گرامراسکو ل کے بورڈآف گورنر زکے ممبرہیں۔اس سے قبل آپ سول ایوی ایشن اتھارٹی آف پاکستان(CAA) ، پاکستان اسٹیل ملز لمیٹڈ،حبیب بینک لمیٹڈ، نیشنل فلرٹن ایسیٹ مینجمنٹ کمپنی لمیٹڈ،سٹی کورپ انویسٹمنٹ بینک پاکستان،دی پاکستان فنڈ،گلوبل سیکوریٹیز پاکستان لمیٹڈ ،NIBبینک لمیٹڈ،لاہور یونیورسٹی آف مینجمنٹ سائنسز(LUMS) ، سینٹرل ڈپازیٹری کمپنی آف پاکستان لمیٹڈ اور پاکستان سینٹر آف فلنتھراپی(PCP) کے بورڈز میں خدمات انجام دے چکے ہیں۔

جناب حسن پاکستان بینکرز ایسوسی ایشن کے سابقہ وائس چیئرمین ہیں اور بینکنگ سیکٹر کمیٹی آن ریفارم آف پاکستان بینکنگ کمپنیز آرڈیننس کے چیئر پرسن کے طور پر خدمات انجام دے چکے ہیں۔آپ وزیر اعظم پاکستان کی ٹاسک فورس براے فارن ایکسچینج ریزرومینجمنٹ، کارپوریٹ ٹیکس ریفارم اور کیپٹل مارکیٹس ریفارم کے ممبر بھی رہ چکے ہیں۔

2007میں جناب حسن کوقومی مفاد میں شاندار خدما ت انجام دینے پرحکومت پاکستان کی جانب سے ستارۂ امتیاز سے نوازاگیا۔

Kamal A Chinoy

کمال اے چنائے

انڈپنڈنٹ ڈائریکٹر

جناب کمال اے چنائے پاکستان کیبلز لمیٹڈ کے چیف ایگزیگٹو ہیں۔آپ نے وہارٹن (Wharton) اسکول ,یونیورسٹی آف پنسلوانیہ ،یو ایس اے سے گریجویشن کیا ہے۔

آپ آئی سی آئی پاکستان لمیٹڈ،انٹرنیشنل انڈسٹریز لمیٹڈ،انٹرنیشنل اسٹیلز لمیٹڈ, NBP فلرٹن ایسیٹ مینجمنٹ لمیٹڈ(NAFA) اور اٹلس بیٹری لمیٹڈ کے بورڈ آف ڈائریکٹر ز میں شامل ہیں اور اس کے علاوہ جوبلی لائف انشورنس کے چیئرمین بھی ہیں۔آپ ری پبلک آف سائپرس کے اعزازی کونسل جنرل بھی ہیں۔

جناب کمال چنائے انٹرنیشنل چیمبر آف کامرس (ICC) پاکستان کی ایگزیگٹوکمیٹی کے ممبر اور مینجمنٹ ایسوسی ایشن آف پاکستان (MAP) کے سابقہ صدرہیں۔آپ آرمی برن ہال انسٹیٹیوشن کے بورڈ آف گورنرزمیں بھی شامل ہیں۔آپ نے آغا خان فاؤنڈیشن( پاکستان)میں بطور چئیرمین خدمات انجام دی ہیں۔آپ نے پاکستان سینٹر آف فلنتھراپی ،پاکستان سیکوریٹی پرنٹنگ کارپوریشن، اٹلس انشورنس اور فرسٹ انٹرنیشنل انویسٹمنٹ بینک (An Amex JV) میں بطور ڈائریکٹر خدمات انجام دی ہیں۔آپ آغا خان یونیورسٹی کی انڈر گریجویٹ ایڈمیشن کمیٹی اور یونیورسٹی آف پنسلوانیہ المنائی کمیٹی برائے پاکستان میں بھی
خدمات دے چکے ہیں۔

آپ بین الا قوامی کمپنیوں کے کنسورشیم تھر پاک کے مشیر ہیں جو تھرکول فیلڈکی ترقی میں دلچسپی رکھتاہے۔

آپ ” سرٹیفائیڈ ڈائریکٹر “ہیں جس کی تصدیق پاکستان انسٹیٹیوٹ آف کارپوریٹ گورنینس نے کی ہے۔

Muhammad Abid Ganatra

محمد عابد گناترا

ایگزیکٹوڈائریکٹراور سی ایف او

آپ کو28 دسمبر2012 آئی سی آئی پاکستان لمیٹڈ کے بورڈ آف ڈائریکٹرز میں بطور ڈائریکٹر اور اپریل 2013 کمپنی کا چیف فنانس آفیسر مقرر کیا گیا۔ عابد گناترایونس برادرز گروپ کے ساتھ1994سے منسلک ہیں۔ آپ سینئر انتظامی عہدوں پر کام کے20 سال سے زائدعرصہ کا متنوع تجربہ رکھتے ہیں جس میں خصوصاََ فنانشل مینجمنٹ، آپریشنل مینجمنٹ،کیپٹل ری اسٹرکچرنگ، مرجر اور خریداری ، کارپوریٹ اور لیگل افئیرز کے علاوہ ٹیکسز شامل ہیں۔

عابد گناترا انسٹیٹیوٹ آف چارٹرڈ اکاؤنٹنٹس اور انسٹیٹیوٹ آف کاسٹ اینڈ مینجمنٹ اکاؤنٹینٹس آف پاکستان کے فیلوممبر ہیں۔ آپ نے اکنامکس میں ماسٹر اور بیچلر ان لاء کی ڈگری حاصل کی ہے۔